Music / Music - Gospel

Review: Hung Puuitu Lalpa | Niangneikim@KiKim


Hung Puuitu Lalpa - Kikim

Hung Puuitu Lalpa - Kikim

Hoitah a sutin, tam blog in bangtan in nang simtu ahing panpi diei mah theising. Ahin, ka nasep pen nisim in ka lunglut deudeu semsem e. Tammi album pen thanopna chikhat ahi. Simte solo video album masapen in Pasian thahatna tah “Lal” ahina a toisang a, gingtu lampei leh kinepna mun manawhna kilawmtah in a kawmu hi.

A laa 13 umte lah ah laa 5 ‘eimi’ te phuo ahia. Amin puo laa Hung Puuitu Lalpa, Kulhpi Det leh Phattah Pathian te-thum Kimngaihmang phuo ahia. Adang ni-te Ka Ngai Vaan Khopi leh Sawlbang Heina Simlei ahileh S Suanpau leh Rev H Mangpi phuo tuoh ahi uh. A laa dangte jousie pen mizo apat laa 5 kiletdoh a. Tuote – Lalfelfamkima laate Ka phal theihlou leh Sinlai luahtu leh Madinmawia laate Sisan Silbawltheina leh Ka gam Uh Sudam in chite ahi. Laabu / Hymns apat in Aman Hung puui leh Lal Jesu Kawmah chitegel banah Anon laa Khuolzinna gam chijong a tel a. A laa tawpna Thandanga kristmas laa kithang mama Khoveel Mial Taanvaah chitoh zaw ahi.

Tammi albumpen ngailehchin, alaate zousie’n mizo laa ahing phosah dia. A zieh khat ahileh backing vocals leh alaakaina zong teisawn a bang sim hi. Ahin, tammi in a album pumpi chituomna ape zaw hi. Kikim aw pen a kiphuoldap sim leh heu piensim in a sieng a, a musik toh akipawl thei mama. Amanu adi’n, ‘a dang zong tampi hing bawl belap in’ chi vang.

Kikim - Hung Puuitu Lalpa

Kikim - Hung Puuitu Lalpa

A musik pen a guha sihgit let-leh-selselte pen a tuom tuom in akidang mama a. A bawlte tulai a dia kithang mama Thangzangam leh Rochullo ( Robert kichi khat toh) teni khutsuo ngel hiva. Koipen in bang laapen a bawl uh e chi getthei in a umsia. A musik ban ah a album pumpi ahileh ki-engineer fuh mama ahi. Tanah a chituom na khat ahia, tuoleh eilam laate khangtou dan mu in a um hi.

Rev H Mangpi laa Sawlbang Heina Simlei pen laagil tulmaw dia siam ahi. Tanah hing ngaisah theisih nanleng a thu nengkhat hing sunzuoi vang:

Sawl bang heina Simlei ka pel chian/ ka gentheih ka kaahna beita ding / Tung vaangam nuam ka hung tun hun chiang / Tawplou in kipah in zai-awi ta ning.

Hung umpi in aw ka Lalpa Na gam ah / Huchiang naubang ka kana baang tang e / Lalpa Nanglou belding umlou / Hi lei siat ah / ka ki ngahna leh ka kulhpi Nang Nahi.

Tamte ban ah, a bukim na ding, thu nengkhat hapdeh lei. Editing te pen hoina laahsiem ua, ahin a kemera a nawm gige hi. Tuoleh Kikim pen amasa pen ahinalai jieh in zum nalai ahi dia kemera deihuoitah a umthei a kivat hieu. A album pen hunbii neidia kibawl hisih nanleh, a laatawpna Khoveel Mial Taanvaah chipen kristmas laa bangdia kiguong valong adiei.

Thuzaw na ding in, tami review na sim suo a ahileh ngainopna ahing pie ngel dia. Teisawn chite bawllou in a original anuoi a min kipete kungah a na kan in aw.

hungpuuitulalpaback1


Hung Puuitu Lalpa - Kikim 

Backing Vocals : S Suabpau & Siam Simte

Recording at Ray Studio, Imphal


Music - Thangzangam, Rochullo & Rob
Camera - Belkhaute (KFC)
Edited at KFC Computers
Producer - H Awnzadou Simte
Director - H Soichinthang
Advertisements

2 thoughts on “Review: Hung Puuitu Lalpa | Niangneikim@KiKim

    • You can Subscribe by email or feed. It’s on the blog page. Thanks for your interest.

      Muanthang Tungnung “You are my God, and I will give you thanks; you are my God, and I will exalt you. Give thanks to the LORD, for he is good; his love endures forever.” – Psalm 118:28, 29 (NIV)

Comments are closed.