Books

Book: Paak Lawhkhai by Mrs Niangno


Blue Star Academy ah kai leh kaikha na nahi leh, Niangno koi e chi gen a ngaisih ding. Ahi, Madame Niangno sang naupang tampi te lah ah khat kei Ka hi. Lecture a bawl chiengleh amah class sese tom a, home-work bawl lou in class sungah na tou pheiphau sih ding! Kum 1989 in a pasal Dr Dallian toh Blue Star Academy ana phu masang ua patin tuni dong sangsie nna a semhi. Laigel na lam ah, kum 2003 in laimai 128 a-sah ‘Genevieve’ chi laibu mangkam apat ana letdoh a, tua ‘Paak Lawhkhai’ ahileh The Basket of Flowers apat kiletdoh ahi.

Paak Lawhkhai

Paak Lawhkhai

Tammi laibu “Paak Lawkhai” pen Amelia tangthu ahi. Erichberg khuo ah lengpa huong kemtu James kichi tanu ahia. Naupangnou ahilai in, apa’n a sildei mama ‘pape’ (paak) pansan in Pasian thuhing ana hil a. Kingiemkhietna, siengthouna leh ngaidamna dante a zil hi. ( ‘Pabawm’ (Lawhkhai) pen nang suikhiet dingin koi vang!). Gentheina khat apat khat ahing thuo a, dihtatlou chia mawpai a um in, tagah hina leh tangkhat a khosat dan ahing zil hi

Lengnu suongmantam zungbuh guu chi’n a pata un a kingoh a. Tuathambep hilou in, gam apat hawl doh in ahing um uhi. A hinkhuo sim a zui anop mama a; a taina in na lungsim ahing zou dia, khattanga ahing umbep in hepina toh na dimlet ding hi.

” Tua ni-a kipan in Amelia in bangmah po lo leh vuk ii tuamcip a huan pan a en ngam nawn peuhmah kei hi. khawkhal hong tun peuhmah ciangin Amelia pen lungnopna tawh kidim den hi napi-in tu-a hong tung ding khawkhal pen ngaklah het lo-in lauthawngna tawh a kidim hi. Bang hang hian cih leh tu-a hong tung ding khawkhaal in hih leitung a a nopsakna kempeuh bei sak ding hi leh kilawm dan in a muh man ahi. Launa mit tawh Amelia in paakngumte hong palh kik, singkung lopate hong duum dide kikte a mu hi.Vasate a haam ciangin Amelia lungsim ngaihsutna pen gik mahmah hi.”

Tammi laibu apat in zil thei ding a tam hi. Amelia in Pasian it mama in thumang mama hinanleh, tuate in thangsietna leh bawlsietnate tuo khalou in koi tuom lou a. Beidong leh suhna ding neilou ahi bep in, a kinep pha lou tan ah, Pasian in A hoina a musah hi. Ban ah, James bang in tate Pasian thu toh pawlhoidan; akilawm mama hi.

PAAK LAWHKHAI
By Mrs Niangno BA BEd
Blue Star Academy,
Simveng, Churachandpur,
Manipur – 795128
Share on Facebook

Advertisements

2 thoughts on “Book: Paak Lawhkhai by Mrs Niangno

Comments are closed.