Books

Book: Khantanhoi Johan Hilchetna | Rev V Hangminthang


Laisiengthou pen bangchilaipou in simsieng leh theisaa a koi thei ahi ngaisih. Na sim chiengleh a hilchetna bu toh na pangkha ngai ei? Theisiem mai ding hilou, theichet theina dingin tambang hilchetna na poimaw hi.

Rev V Hangminthang ahileh 1983 kum apat ZCC (tuo MELC) ah Pro Pastor nnasem ana pan a. 1986 apat tuni dong in Pastor nna a sem hi; District Superintendent leh Executive Secretary chite a tuu zing hi. Ama’n laibu tamtah ana gel ta a. A kilang mama Na Theina Ding In Zilin Part I leh II, Naupang Nipi Sang Senior I leh II te’n a toi uhi. Tamte ni banah, Piching Nipi Sang laizilbu tamtah ana aat ta hi.

Zou-kam a ana kibawl hilchetna dangte toh tammi Khantanhoi Johan Hilchetna a kibang sih hi. Kumkhat a zoh thei ding ngaisut a bawl ahi hang in, simmun khat ah Bungkal ni-leh-thum gawmkhawm chi um sese nonlou in; A tangpi in, tammi laibu ah simmun khat in bungkal kimkhat leh bungkal khat a huom hi. Tuoleh, simmun pen Thuchiin, Thumapui, Khennenna leh Khaikhawmna chite banah Dohnate in a zui chetchet hi. Tangkal khat khat in sim in, thupoimaw – gammin, mimin – a umjia bang in hilchien in akibawl hi.

A laibu in Khantanhoi Johan sung a pumpi in a huom a, tambang in a tuun hi: A siltup ahileh ” Jesu pen Pasian Tapa ahidan leh a gingta zousie in tangtawn hinna anei ding” chi ahia; Jesu khu Pasian Tapa ahidan puonkhietna leh Tangtawn hinna petu ahina a uong gen mama hi. A Tang masate in, Pasian Thu mihing hing suo mial tate khovah hina hing pia in, Pasian Thu pen laisiengthou a i mu apat lieuliau a ging ding ahidan ah a tawp hi.

Khupsit masang in, tami laibu sungah Simmun Thupi leh Bungkal hawmdan enjuoi vai:

Simmun Thupi (Bungkal)

  1. Khantanhoi Johan etjuoina
  2. Pasian Thu Phuonkhietna ( Bung 1 : 1 – 18 )
  3. Johan Thu Theisah leh Nuajui Masate ( Bung 1 : 19 – 51 )
  4. Jesu Silbawltheina Tahlatna (Bung2:1-25)
  5. Pientha Thu (Bung 3: 1-36)
  6. Hinna Tha Suitute (Bung 4: 1-54)
  7. Jesu Silbawl Thupi leh Pasian Ahina ( Bung 5:1-47)
  8. Jesu – Vahtu leh Panpitu Naipen ( Bung 6:1-24)
  9. Hinna Tanghou ( Bung 6: 25-71)
  10. Jesu Koi Ahiei? ( Bung 7: 1-53)
  11. Jesu khu Tangtawn Mi ahi (Bung 8: 1-59)
  12. Jesu Khrist Pasian Ahidan ( Bung 9:1-41)
  13. Belampu leh A Belamte ( Bung 10: 1-42)
  14. Jesu – SDhina tungah Thuneina ( Bung 11: 1-57)
  15. Mary in Jesu Sathau Anuna ( Bung 12 : 1-11)
  16. Jesu Pahtawia A Umna ( Bung 12: 12-50)
  17. Thupieh Tha Khu ( Bung 13: 1-38)
  18. Mangbang Loudia Vaihahna (Bung 14:1-31)
  19. Kizopmatna Dihtah ( Bung 15:1-27)
  20. Jesu’n A Nuazuite A Vaihahna Thu ( Bung 16: 1-33)
  21. Jesu Thungetna (Bung 17 : 1-26)
  22. Jesu Kimatna (Bung 18: 1-40)
  23. Jesu Pilat Masangah (Bung 19:1-16)
  24. Pasian Belamnou Shina (Bung 19: 17-31)
  25. Haan ah Jesu Kivuina (Bung 19 : 31-42)
  26. Jesu Thawkiana (Bung 20: 1-18)
  27. Nuajuite kungah Jesu Kilahna (Bung 20 : 19-20)
  28. Nuajui Nuatolte Tunding Kiana ( Bung 21:1-14)
  29. Jesu’n Peter A tunding Kiana ( Bung 21:15-25)
Advertisements